【影視花邊】睇Netflix動畫得英文國語? 簡單3步聽返日文配音版

Netflix 套《聖鬥士星矢:黃道十二宮戰士》已經上架,不論大家接唔接受到阿瞬變女人之類嘅改動,大家都要睇左先鬧架?係咪?!但眼見好多觀眾都話得英文同國語配音,好難睇落去喎?

實際上以《聖鬥士星矢:黃道十二宮戰士》或者早前嘅《Castlevania 惡魔城》,其實都有日文配音,不過香港用戶多數以中文設定做使用者語言,所以預設左一啲動畫片嘅語音係英文或者國語。但係要聽返日文配音係非常簡單,三個步驟就可以轉得到!

以電腦版為例,先去你嘅使用者,入去管理使用者

將你用開或專睇日文配音嘅使用者語言轉做日本語,然後確定出返主版面

當見到成個版面轉左日文,咁就代表你成功左

之後唔只可以聽返日文配音,仲有中文字幕比埋你

不過片頭片尾歌呢啲冇得改動嘅部份,大家就忍耐一下啦!

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章