《數碼暴龍》系列黎緊將會有兩隻遊戲上市，分別為《數碼寶貝物語 網路偵探 駭客追憶》（對應 Steam 及 Switch）以及《Digital Survive》（對應 PS4 及 Switch）。前者將會於 2019 年 10 月 18 日推出繁體中文版，而後者原定今年內推出，不過剛剛宣佈最新推出日會延後至 2020 年，準確日子有待公佈。

Bandai Namco Entertainment 於 7 月份舉行嘅「ANIME EXPO 2019」首次公開《Digital Survive》嘅片頭動畫，由於今次呢個遊戲係以「數碼暴龍」世界為背景創作嘅全新遊戲，所以玩家飾演嘅並唔係太一，而係全新嘅少年及少女主角。

玩家將會被捲入異世界，為左回到自己生活嘅地方，必須同你路上遇到嘅數碼寵物一齊成長，係一隻求生主題嘅 RPG。

今次片段名稱為「Prologue」，玩家可以見到一眾主角群正隨學校參加課外歷史研修課程，動畫製作亦頗有心思；我地非常期待見到《Digital Survive》嘅正式遊玩片段，希望盡快有新消息再同大家分享。

相關文章：

【集體進化】強勢出擊《數碼暴龍》全新 RPG《Digital Survive》2019 年登錄 PS4＆Switch！