【遊戲新聞】等到唔記得有佢存在《Anthem》終於有活動更新「Cataclysm 天劫」即日更新上架

 

各位玩家,你隻《Anthem》仲喺 PS4 裡面嗎?經歷工作團隊被發現工時過長、故事內容單薄但一直未有更新、以及掉落率存在比例問題…等等情況之後,唔少玩家,都已經似乎離開左《Anthem》嘅世界了。

記得喺《Anthem》遊戲公佈時,已經披露會有名為「Cataclysm(天劫)」嘅故事單元,呢個故事單元原定今年 5 月上架,不過最終都要拖到尋日(8 月 6 日)先至能夠上架,官方亦無正面解釋延遲原因,不過呢個故事片已經上架,各位《Anthem》玩家可以即日進行 Ver. 1.30 Patch 嘅更新。

 

 

「天劫」包括三個新故事任務、新地圖、會掉落新寶箱、出現新貨幣、工會系統、當然亦會出現新嘅敵人;比較特別嘅係一個名為「逆轉」嘅新系統,佢可以改變玩家身處標槍機甲時與環境的互動。

 

 

玩家於 Game Mode 畫面選擇「Cataclysm」就會出現傳送畫面,而喺平時遊戲嘅「Freeplay」模式裡面,玩家亦可以留意天空人有否出現異樣變化,因為好可能會係隨機出現嘅「Cataclysm」相關活動黎。

 

 

至於故事任務,第一個任務名為「槍尖」,玩家與塔西斯堡嘅宗師「亞當斯」見面。「亞當斯」懷疑「霸權」與風暴有關,所以委託玩家去調查;而第二個任務,玩家將聯同其他自由戰士(Freelancers)去對抗一個大家熟悉嘅敵人,佢身上會有玩家需要嘅答案;至於最後一個任務,玩家需要進入「天劫」令其消失。

更新今日已經上架,有興趣嘅朋友記得返去更新啦。

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章