【遊戲新聞】KONAMI 入紙註冊新商標 《Silent Hill》有望復活?

K 社咁多年黎都被受玩家嘅「喜愛」,特別係小島秀夫離開之後呢種熱情顯得更為熱烈。最近 K 社又有新動向,佢哋喺上月尾向加拿大知識產權處為《Silent Hill》提交新嘅商標註冊申請。當然佢地亦有可能係為咗確保商標版權而重新入紙,事關該商標去到今年 12 月 6 日就會到期。

 

 

今次嘅註冊時間係今年 7 月 25 日,項目類別係「電視遊戲、電腦遊戲」(Video games, Computer games)。作為機迷最理想嘅狀態當然就係《Silent Hill》開發新作,不過唔好忘記 K 社今年開始加入「炒冷飯」行列,淨係今年已經有《惡魔城合集》、《魂斗羅合集》、《街機遊戲合集》,而且亦都吸引唔少玩家買黎收藏。所以根據同一套路,推出一隻對應 PS4 / Xbox One / Nintendo Switch 平台嘅《Silent Hill 合集》,再斬你班友一筆先乎合廠方作風。

 

麻生龍

麻生龍 客席編輯,中二病廢中,打機會自己講野自己笑,鍾意睇機械人動畫。單身寡佬,目前日本在住(流放)中。

追蹤

更多文章