《千億探長》呢隻 Board Game 我地早前同大家介紹過，有份集資嘅朋友都應該收到 Game 或者喺市面上買到嚟玩。製作方 Headblown Studio 之前發現喺規則書上有印刷錯誤，諗住重新印過一批比買家！勢估唔到呢個舉動都可以同《反送中法》拉上關係！

唔知《千億探長》故事背景嘅，簡介就係60-70年代香港皇家警察貪污的日常，玩家扮演一位香港皇家警察去打擊罪惡或者同流合污。喂！香港皇家警察喎！英治時代喎！

第一版生產嘅時候《反送中法》活動仲未開，但新修訂版嘅規則書就幾乎所有中國生產廠都拒絕印刷，就全因上圖嘅「敏感字眼」！而且佢地亦收到消息，部份寄海外嘅《千億探長》遊戲被扣關查撿之外，仲要額外加收關稅！

我地亦查詢過 Headblown Studio，佢地都表示本來重印版本嘅規則書，依家就只可以放喺網上比玩家自行下載。而佢地亦講到反正唔考慮將《千億探長》賣到大陸市場，不過估唔到影響到因此而影響到其他支持佢地嘅買家，只好作出萬分歉意。

所以唔好以為打下機玩下 Game 唔關政治事，你不找政治，政治也會找上你！