【電競新聞】「光復香港 時代革命」成暴雪禁語 港《爐石》大師被除名

話說前兩日《爐石戰記》(Hearthstone)大師職業賽第二季最後一星期例行賽上,香港選手 Blitzchung ( 聰哥 / 咇屎聰 )擊敗韓國選手 Cloud 9 DawN 之後接受彩訪時,以護目鏡及防毒面罩造型受訪,並且喺訪問尾聲叫出「光復香港 時代革命」口號。

聰哥呢個舉動得到台灣好多網民聲援,但係官方以賽事規章 (2019 HEARTHSTONE® GRANDMASTERS OFFICIAL COMPETITION RULES v1.4) 第6.1 (o) 條判聰哥涉入破壞自己聲譽、冒犯部分或社會群體、或造成任何傷害暴雪形象之行為,要將導聰哥從大師職業賽除名並且其於賽季中所獲之獎金將全數歸零。

官方片段已經被下架但我地仲搵得返當中嘅片段,除左聰哥被除名之外,兩位主播賽評易先生偷米亦因此而被解約。而《爐石戰記》官方微博再踩多腳,話今次事件係傳播個人政治理念,表示強烈憤慨並遣責事件!
當「光復香港 時代革命」八個字都成為國際級遊戲公司嘅禁語,大家仲會相信遊戲同政治無關呢個童話?

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章