【遊戲新聞】克蘇魯式荒島求生遊戲《The Shore》要解謎又要對抗異型生物

 

克蘇魯世界觀係唔少遊戲愛用嘅題材,而喺 10 月 6 日就有一隻受「克蘇魯」啟蒙嘅全新遊戲《The Shore》發表。《The Shore》由獨立遊戲開發者 Ares Dragonis 一人製作,雖然係一人開發,但係遊戲野心相當大,係一隻以 Unreal Engine 4 製作嘅開放世界求生解謎遊戲。

 

 

玩家飾演父親,與女兒出海,但船觸礁,醒來發現自己身處荒島,但係不見女兒蹤影。為咗尋找女兒,開始於島上一邊求生、一邊搜索,但係遇上一連串怪事。

水、海岸、月亮與「克蘇魯神話」一直有深厚關係,所以以荒島作為遊戲舞台,的確十分適合。

 

 

作為一隻求生遊戲,《The Shore》嘅設定非常真實,玩家必須自己伐木以獲得木材、於島上搜集資源進行道具開發、以及必須搵到糧食以支援生命。不過,遊戲當然唔係淨係求生同埋搵女咁簡單,玩家好快就會明白,呢個島,相當唔對路……。

 

克蘇魯有觸手 Play 是常識

 

遊戲目前發售日期以及對應平台都未有進一步資料,不過官方網站上面就有一個倒數計時器,倒數日子為 84 日(截至本文刊出日);而喺官網上面見到嘅遊戲手制圖像,可以預料遊戲應該會對應微軟(PC 及 XBox),有詳細資料會再同大家公佈。

 

 

以下為官方首條 Teaser Trailer:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章