【玩物快訊】 揸得跑得 真實比例LEGO小型賽車

成日都見 LEGO 官方一出新產品就用組件砌返架一模一樣嘅 1 : 1 比例版,外國有個專為 LEGO 製造第三方動力組件嘅公司 BuWizz 今次做左個非常大嘅挑戰,用超過 7000 件 LEGO 組件去砌左一架成年人坐得落嘅 LEGO 小型賽車。

就咁睇落都唔算有咩好驚為天人嘅野,但如果我話你知呢架 LEGO 小型賽車唔只坐得上去仲行嘅話,你又會唔會另眼相看? BuWizz 公司其實砌呢架 1:1 LEGO 小型賽車由 32 個 Power Functions L-Motor,加上 8 組佢地 BuWizz 公司生產嘅 BuWizz 2.0 電箱,用埋佢公司所對應嘅手機 App,咁就可以行到時速 4 公里嘅車速。雖然仲會隨電量而有所減少,不過 BuWizz 公司呢個短短 1 個月嘅挑戰己經非常厲害 。

如果玩開 LEGO Technic 嘅玩家們,可以了解下 BuWizz 嘅動力組件啱唔啱你改裝你嘅 LEGO 遙控作品啦。

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章