由漫畫家吾峠呼世晴老師創作嘅《鬼滅之刃》相信係呢兩年其中一套最具話題性嘅作品，於 2016 年開始於《少年 Jump》上面連載已經備受各界讚賞，2019 年 4 月開始播放第一季動畫後人氣更係高企非常。
雖然第二季動畫目前仲未有消息，但係精美嘅作畫以及深刻嘅劇情，相信唔少朋友都成為左《鬼滅之刃》嘅 Fans。
日本壽屋方面，目前正開始推出主角群嘅 ARTFX J 模型，已公開嘅角色包括竈門炭治郎、竈門禰豆子以及我妻善逸，各為 ￥11,000（連稅），並於網上面進行事前預約販售中，你又會唔會想入手呢？
模型同時會附上可更換表情臉孔，比例為 1／8，正式發售日為 2020 年 6 月份。
中二病廢中，打機會自己講野自己笑，鍾意睇機械人動畫，貓世一。