【遊戲新聞】AGE 社 20 週年宣佈重啟《你所期望的永遠》準備推出新世代遊戲

 

對日本 Gal Game 有所認識嘅朋友,相信大家對於《你所期望的永遠(君が望む永遠)》呢套作品都唔會陌生。於 2001 年以成人戀愛遊戲於 PC 上面登場,及後亦改版移植到 Dreamcast 以及 PS2 上面,而 2003 年開始播放嘅動畫以及 OVA,更加令到更多亞洲朋友認識到呢套作品。

今年適逢係《君望》遊戲公司 AGE 社成立嘅 20 週年,佢地尋日就舉行左及為「still breathing」嘅網路播送活動,先係連續播放左旗下多套作品嘅主題曲,亦帶黎幾個新消息,其中一個為:《君が望む永遠》將會重啟企劃,暫名為《君が望む永遠 Reboot》,目標係開發貼合現今時代遊戲質素嘅新作品。

 

 

不過,網上反應就有兩種聲音,有人話「已經踏入令和,仲擁抱住平成年間嘅成功不放真的好嗎?」,亦有 Fans 單純地感到期待。畢竟《君望》去到而家都仲係唔少 Fans 心中經典作品之一,由栗林みな実主唱嘅多首 OP 及 ED 可能去到而家大家都仲聽緊,所以,今次呢個 Reboot 企劃,的確係叫人驚喜的。

栗林みな実去到今年都仲會演唱《君望》歌曲:

 

 

官方有暗示呢個 Reboot 企劃與旗下另一作品《Muv-Luv(マブラヴ》有所關聯,因為 AGE 社本身都經常將作品角色擺去其他作品中再使用,所以到底正式遊戲會係點樣,有消息會再同大家報導。

最後附上 AGE 社「still breathing」嘅影片,開頭一個鐘全部都係作品裡面嘅主題曲或插曲,歌手由栗林みな実、奧井雅美、fripside、JAM Project 去到 GRANRODEO(即係《君望》男主角聲優谷山紀章自己嘅樂團)都有,都可以話係非常星光熠熠嘅回憶集合:

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章