大熱作品《鬼滅之刃》漫畫正進入最高潮部份劇情、而動畫版 OVA 亦要明年先至上映，喺呢段等待嘅期間，相信各位 Fans 同我一樣都有諗過：如果作品推出遊戲嘅話應該好吸引！

其實《鬼》目前的確有一隻遊戲推出左，名為《鬼滅の錬磨》，係一隻 2D 橫向遊戲，玩家可以飾演炭治郎、善逸或伊之助，分別使用水之呼吸、雷之呼吸以及獸之呼吸三種形態，去挑戰於遊戲中取得高分數。

遊戲以「訓練」為主題，畫面會高速向右滑動，而角色疾走，路上會遇上巨石、飛刀、木椿等障礙物，亦會有「鬼」來襲需要施行「呼吸」去對抗；同時路上亦會有飯團可以食去取分及補血。遊戲總分數高低就視乎你可以衝到幾耐，係一隻非常簡單，但係極為過癮嘅小遊戲。

不過，想入手呢隻遊戲，大家就要先入手動畫 Blu-ray 或者 DVD 啦，因為遊戲係《鬼滅》第三卷動畫光碟嘅特典黎架！

早前炭治郎嘅聲優花江夏樹就於佢嘅 Youtube Channel 上面上載左試玩及介紹影片，大家可以參詳參詳：