小島秀夫嘅《Death Stranding》仲有幾日就正式面世，而宣傳《Death Stranding》嘅全球巡迴活動去到德國柏林，終於遇上早前用 LEGO 砌過 Final Fantasy X 龍王巴哈姆特(Bahamut) 嘅德國神級 LEGO 製作者 Marius Herrmann。
TOMORROW IS IN YOUR HANDS.#デスストでつながれ#WorldStrandTour2019#DeathStranding #TomorrowIsInYourHands pic.twitter.com/8Pm99xQfmW
— 小島秀夫 (@Kojima_Hideo) November 4, 2019
有 Follow 開小島神嘅朋友都知佢好鍾意玩 LEGO，而 Marius Herrmann 喺上年出過《Metal Gear Solid 4: Guns of the Patriots》當中嘅 Metal Gear GEKKO 嘅製作教學。
今次兩神相遇， Marius Herrmann 送左隻《MGS 4》嘅 Metal Gear Mk. II 比小島做見面禮，等佢帶住繼續佢嘅全球巡迴活動，而且仲即刻影晒相放上佢自己 Twitter 落埋 hashtag 係 Death Stranding。唔通 Metal Gear 會喺《Death Stranding》出現？定係同外界所講嘅唔同，《Death Stranding》會有《MGS》系列嘅影子？
TOMORROW IS IN YOUR HANDS.#デスストでつながれ#WorldStrandTour2019#DeathStranding #TomorrowIsInYourHands pic.twitter.com/wS0FXPg2G2
— 小島秀夫 (@Kojima_Hideo) November 3, 2019
而 Marius亦預備喺《Death Stranding》公開發售後以遊戲內容製作新嘅 LEGO 作品，不過係啲乜野主題就要等Marius玩過《Death Stranding》先決定。咁《Death Stranding》喺今個月 8 號發售後，大家都比啲提意 Marius 考慮下啦！
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW