【遊戲新聞】製作人小野義徳都讚好!網友自製激靚《街霸 6》Logo

 

作為唔少電競比賽嘅重點項目、兼擁有大量玩家群《Street Fighter V(街霸 5)》,由 2016 年推出至今,已經接近三年日子。雖然遊戲推出初期,系統受到唔少《街霸 4》玩家批評,不過時至今日,遊戲依然定期作出更新,仍然成功累積一定支持者。

至於《街霸 6》何時會面世,一直都係玩家群之間期待嘅消息。當然,《街霸 4》與《街霸 5》之間推出時間,相距接近八年,所以要推出《6》相信仲有一段好長歲月。

不過外國網友 @BossLogic 就好有心思地,率先以 Fan Made 方式設計左一個《街霸 6》嘅 Logo,以「昇龍拳」嘅出拳去構成一個「6」字,極有心思,簡單又有氣勢,令到《街霸》系列製作人小野義德先生都讚好!

 

 

 

不過,小野先生就補充一句,《街霸 6》真係無咁快會黎到,仲開玩笑咁話各位玩家可能要等多十年……係唔係要等十年大家都唔知道,可以肯定嘅係一定會係針對 PS5 平台開發嘅作品了。

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章