即將於 2019 年 12 月 12 日上架嘅《新櫻花大戰》，於 11 月 21 日已經推出左免費試玩版，玩家可以試玩遊戲裡面嘅故事模式以及戰鬥模式。

故事探索模式裡面，玩家將會飾演帝國華撃團・新花組隊長神山誠十郎於大帝國劇場裡面散步，並能與眾多女角色進行互動。呢段劇情係為左 Demo 版本而特別製作，所以會與之後推出嘅正式版稍有分別。

戰鬥模式裡面，神山誠一郎將於上野公園進行退魔戰；不過官方亦補充，正式版裡面嘅機能性與 Demo 版亦會有數值上調整，今次希望玩家專注感受戰鬥嘅爽快感為主。

另外，官方今日亦公佈全新角色「村雨白秋」，聲優為沢城みゆき，角色人設就唔係久保帶人老師，而係 ALTUS 嘅著名畫師 副島成記老師，所以新角驟眼睇有幾分《Persona》嘅感覺！

個人認為村雨白秋嘅 3D 模組係全遊戲最靚

「村雨白秋」嘅身份為劍士，身份上類似係主角「天宮櫻」嘅師父，亦係佢父親嘅舊朋友。年齡以及來歷不明，但係同時具有一流身手、以及冷靜頭腦，係一個充滿神秘感嘅角色。

今次有參與《新櫻花大戰》客席人設計劃嘅，分別為六位老師：堀口悠紀子、BUNBUN、島田フミカネ、いとうのいぢ、副島成記，以及杉森建。官方亦公開左人設以及 3D 模組後嘅介紹片段：

《新櫻花大戰》將於 2019 年 12 月 12 日推出，目前 PS Store HK 正開放預購。