【玩物花絮】LEGO得意龍貓角色 夢幻作品等你支持

宮崎駿作品當中,老少咸宜兼且最多人鍾意都應該係《龍貓》啦掛!之前同大家介紹過一啲工作坊教大家砌トトロ ,最近比我發現原來有製作者整左個獨家版本,連埋草子次子(原名草壁皋月草壁梅)仲有貓巴士,全部放晒上 LEGO Ideas 度希望玩家支持將佢量產化。

Legotruman 整個製作大家見到都係鋪到平平滑滑,不過可能比例上要遷就,導致隻龍貓好似細左幾個碼。雖然龍貓本應係「主菜」,但睇真啲架貓巴士原來佢先係成個製作嘅重點。

呢架 Legotruman 所製作嘅貓巴士,總件數其實只係用左 718 件組件製作,不過佢嘅貓腳全部都可以前後活動。雖然佢唔可以好似動畫入面咁左邊頸側開個窿比草子次子行入去,但係為左還原呢部份, Legotruman 都預留左個鬆動位比玩家換個門件落去。

車內座位擺放同戲中一模一樣

每隻腳都有獨立關節設計,想點擺造型動作都得

車頂仲預左位置標明「總站」

大家鍾意《龍貓》或者身邊有朋友好鍾意《龍貓》的話,快啲叫佢去下面嘅傳送門比個支持佢等呢件作品成真!就算唔鍾意貓,鍾意可愛狗狗嘅,Legotruman 都有另一個 LEGO Ideas 計劃啱你地支持(LEGO Doggo)!所以唔好等啦,即刻去 LEGO Ideas 比個 Support Legotruman嘅作品啦!

My LEGO Totoro ( feat. Cat Bus ) LEGO Ideas 傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章