於 E3 2018 首度公開嘅《BABYLON’S FALL》終於有正式遊玩片段公開！呢隻由白金工作室聯同 Square Enix 合作嘅幻想戰鬥遊戲，由原定 2019 年上架押後至 2020 年夏天，預計對應平台為 PS4 及 PC。
今次嘅戰鬥片段為時約一分半鐘，或者係因為同出自白金工作室之手，戰鬥畫面呈現方面，無論係攻擊形態、美學方面，都有幾分《Nier: Automata》嘅影子，而爽快炫麗嘅動作以及戰技非常吸引。
雖然目前為止，故事劇本方面公開資料唔多，不過白金以及 SE 聯手出品相信已經比到玩家一定程度信心！
《BABYLON’S FALL》遊戲設於架空幻想世界觀，片段中以年代紀方式介紹世界嘅歷史，人類由於追求一樣名為「Oversoul」嘅事物，世界一度繁榮，但後來因為權力問題，終於開關乎始人類生死存亡嘅對抗之戰。
相關文章：
【E3 2018】SE x 白金工作室再推巨作《BABYLON’S FALL》神罰降臨
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。