【遊戲新聞】Norman Reedus 已經成功逃出《P.T.》鬼屋去左做送件員!!

 

《Death Stranding(死亡擱淺)》已經於 2019 年 11 月 9 日推出,遊戲意念前衛,富有電影既視感,可以話係一隻非常創新題材嘅遊戲。雖然玩家反應兩極,有人認為非常有藝術深意,有玩家亦認為遊玩性不足,不過相信《Death Stranding》依然係一隻精彩嘅作品。

玩完《Death Stranding》之後,唔知大家有無再次感到遺憾,就係被 KONAMI 中止開發嘅《P.T.》,大家應該無可能會玩到完全版了;不過,呢隻已經於 PlayStation Store「被下架」嘅作品,依然係玩家津津樂道嘅遊戲。

 

 

近日《P.T.》再度引起討論,事緣係有玩家重玩《P.T.》,而《P.T.》係一隻第一視點探索遊戲,所以玩家好少機會見到自己個樣:

 

 

係 Norman Reedus!就算遊玩過程係第一視點,但係我地操作緊嘅的確係 Noman Reedus!呢個主角真係做得好低調,唔係入廁所照到塊爛鏡,或者大家可能都唔會在意自己個角色係乜野人黎。雖然 2014 件時釋出嘅《Silent Hills》片花已經說明 Norman Reedus 係主角,不過無諗過《P.T.》入面有咁有趣嘅方式去比玩家見到佢嘅模樣!

雖然《Silent Hills》大家就玩唔到,不過唔少網友就笑稱,Norman Reedus 成功由鬼屋逃出,然後去左做派件員,知道佢過得平安,大家都放心咁話……

小島呀小島,就算無得做《Silent Hills》,你又會唔會有意慾做另一隻恐怖遊戲出黎呢?《P.T.》真係好精采架!

 

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章