Falcom 於今日召開嘅股東大會上面公佈，新作《英雄傳說 創之軌跡》現已開發中，將於 2020 年夏季推出，對應平台為 PS4。《創》將承繼《閃之軌跡 4》嘅故事，除左補完故事未完成嘅部份，亦會掀起新一章嘅故事序幕。

從今日公佈嘅初步圖片黎睇，《創之軌跡》似乎會揭露有關《閃軌》主角黎因嘅神秘過去，亦會再次有《零軌》一眾角色們登場；另外亦會有謎樣全新角色加盟《軌跡》嘅世界，相信《軌跡》故事離結局仲有好長時間。

Falcom 會社習慣每年推出一隻 RPG 作品，不過最新作《伊蘇 9 黑夜怪人》遊戲中 Drop Frame 以及 Lag 機情況顯著，同時人物模組都有大量進步空間，不過 Falcom 一向都係以劇本為先遊戲開發商，相信 Fans 們都係乖乖期待遊戲吧。未知黎緊呢一隻《創之軌跡》又是否不負《軌跡》嘅名號，再次成為玩家心目中嘅出色作品呢？

有最新消息會再與大家報導。