下年年尾 PS5 就出啦，大家最關心嘅除咗係新機賣幾錢之外，有咩首發遊戲都好重要，話晒多數玩決定家係咪一出即買都係取決於有咩 Game玩。日前終於公開首隻 PS5 獨佔遊戲《Godfall》，睇片感覺非常唔錯，作為首發絕對稱職！

早前喺「The Game Award 2019」Sony 就公開首隻 PS5 獨佔遊戲《Godfall》宣傳片。本作由 Counterplay Games 開發，Gearbox 發行（即係做《Borderland》果間），屬幻想式動作遊戲，採用第三身視角。暫時遊戲詳情就欠奉，已知嘅係本作會著重近身戰鬥，不過都會有魔法使用，而敵人及頭目戰皆會掉落種類極多嘅戰利品。遊戲可以單人進行，亦都可以多人遊玩，最大支援三人同遊。

《Godfall》預計於 2020 年年尾作為 PS5 首發遊戲登場，另外雖然話係 PS5 獨佔，不過呢個獨佔就只限家用機， 遊戲仲會喺 PC 上推出，不過就係 Epic Game Store 上發售，而 PC 版則未有標明係獨佔，希望會有埋 Steam 版本啦。