【遊戲新聞】操控巨大機械人 《百萬噸級武藏》三人協力熱血共鬥

LEVEL 5 上星期宣佈重啟機械人動作遊戲《百萬噸級武藏》(メガトン級ムサシ),並且於日前舉行嘅「JUMP FESTA 2020」之中展出試玩。作品自 2016 年公佈後曾經一度中止開發,相隔三年復活都真係可喜可賀,話晒皇道熱血機械人動作遊戲不嬲唔算多。

 

 

《百萬噸級武藏》最初係 2016 年正式對外公佈,不過當時對應機種係 3DS,所以相對地唔太受到媒體注意。遊戲主打操控巨大機械人迎戰外星侵略者,屬動作角色扮演類,採用第三身視點。已公佈可操控機體有三款,分別係 Musashi(ムサシ)、Gaudia(ガウディア)、Sparkman(スパークマン),各機體又有各自攻擊技能及必殺技,詳細可睇以下影片介紹。

 

 

雖然遊戲已經預設好三部機體比玩家使用,但係依然容許玩家自由組合機體零件,創造出啱自己口味嘅機械人,不過就未知組合自由度會唔會好似《Front Mission》咁多咁正。

《百萬噸級武藏》暫時未有正式發售日期,不過對應平台就決定係 PS4 / Nintendo Switch / iOS 以及 Android。

 

五木

動漫電玩宅,極愛金田一系列,擅長動作及策略遊戲

追蹤

更多文章