原定於 2020 年 2 月 14～16 日於灣仔會展舉行嘅年度動漫盛事「CFAFA 2020」，官方今日於 Facebook 專頁宣佈，活動將會取消。原因為有鑑於香港局勢不穩，官方未能確保來場參展及參觀人士嘅安全，所以決定將活動取消，2021 再見大家咁話。

消息一出，網友反應兩極，有人認為官方無必要取消活動，但亦有更多網友認為「C3」活動將會聚集大量年輕人，難保會唔會有「執法者」借題發揮，官方取消活動都未嘗唔係一件好事。

大家一定有千百樣想法，不過大家其實都未必有心機去參觀去玩就真嘅！希望 2021 年 C3 舉辦時可以令到大家都能盡興而歸！