【遊戲新聞】《激戰》系列開發商踩過界 新作已鎖定於家用機推出

唔知大家仲記唔記得有隻 MMORPG 叫做《激戰》(Guild Wars),遊戲曾經紅極一時,直頭可以同《魔獸世界》二分天下。雖然近年聲勢不再,但開發商 ArenaNet 的確有能力製作優質嘅遊戲,而最近佢地一則招聘廣告就無意中洩露咗佢地最新動向。

 

 

 

ArenaNet 佢哋最近喺官網度出咗個藝術總監招聘公告,而廣告內標明此職位將會負責一隻並未公開嘅遊戲,呢隻遊戲將會採用幻想風格,並且係一隻動作遊戲。而最令人意外嘅係此遊戲對應平台係「家用機」,但就無列明係邊一部機,而呢隻遊戲亦係 ArenaNet 首隻於家用機平台推出嘅遊戲。

 

 

另外喺工作範圍入面,列明此職位要負責嘅項目包括埋角色設計、UI 設計等等,基本上已經肯定唔會係《激戰》嘅移植版,而係完全新作。另外係工作要求中亦都提到應徵者需要有 Unreal Engine 4 使用經驗,進一步肯定唔係《激戰》,同時意味住新作放棄使用自家引擎。

 

 

最後值得留意嘅就係工作要求中並無提及任何線上遊戲經驗,極有可能呢隻新作會係單機作品,如果屬實就頗為可惜了。(話晒《激戰》嘅團戰做得非常出色)

 

五木

動漫電玩宅,極愛金田一系列,擅長動作及策略遊戲

追蹤

更多文章