【遊戲新聞】官方 PS5 資訊全新公佈!仲未提及是否相容 PS4 遊戲

 

PlayStation CEO Jim Ryan 於今晨進行嘅 CES 2020 正式公佈有關 PS5 嘅官方資訊,包括展示 PS5 Logo 設計,以及有簡單介紹 PS5 嘅機能;PS5 預計會於 2020 年嘅聖經檔期推出,不過並未正式提及價錢方面嘅資訊。

Ryan 表示,PS4 截止目前共售出超過 1 億 6 千萬部,而 PS5 Logo 其實與 PS3、PS4 變化不大,相信係係想營造系列產品嘅一體感,對於我地一班老玩家黎講,絕對係充滿親切感。不過亦有網上聲音話今次嘅設計好懶(!)

 

 

講返機能方面先:PS5 將採用 3D 立體音響系統,超高速 SSD 儲存裝置,硬體 Ray-Tracin 光線追蹤效果,遊戲碟模式將為 Ultra HD Blu-Ray 藍光碟;而手掣會加入觸感控制以及板機型按鍵 。

 

 

PlayStation 表示將會於日後會再詳細公佈遊戲方面資訊,對於網上盛傳話 PS5 將兼容 PS4 遊戲,官方於今日活動中亦未有提及,而我地相信,呢部份先係玩家們最關心嘅資料(!),所以有新消息我地會馬上再同大家報導。

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章