【遊戲新聞】騰訊宣佈入股白金工作室・強調公司自主性不受影響你信唔信?

 

一直以製作超精美遊戲而聞名嘅白金工作室(Platinum Games)嘅社長佐藤賢一先生,於 2020 年 1 月 7 日正式於官方網站上面宣布,騰訊(Tencent Holdings Limited)將入股到佢地公司,相信可以為佢地製作遊戲帶來更豐厚嘅資源。佐藤先生並強調,公司嘅自主性將不會受到影響。

 

 

相信大家對於 2019 年嘅「暴雪風波」都仲記憶猶新,所以今次騰訊入股白金工作室,都成為唔少玩家嘅警號,畢竟白金工作室係開發名作《Beyonetta》同埋《Nier: Automata》等精彩作品嘅一流工作室,喺唔少玩家心中都有殿堂級地位,如今騰訊入股,到底會於往後日子衍生多少問題,都係令人擔憂嘅地方。

 

 

唔好忘記,騰訊只係持有 Blizzard 5% 股權已可以做成呢個效果,到底白金工作室可以保留嘅「自主性」到底有幾多,各位玩家,我地一齊密切留意吧。

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。首本個人塔羅散文今年書展上架:shorturl.at/iDMWY

追蹤

Facebook 更多文章