【遊戲新聞】《港詭實錄》利用香港玩家媚共 不惜自我矮化竄改歷史

大家記唔記得喺 2018 年果陣有隻叫做《牛一》嘅恐怖解謎遊戲,由香港團隊製作,遊戲入面有唐樓有九龍城寨,充滿住濃厚嘅香港味。因為以香港為主題,遊戲公佈初期得到唔少台灣、香港媒體報導,亦都令廣大玩家期待。去到 2019 年 10 月 31 號製作團隊正式宣佈將《牛一》 改名做《港詭實錄》,並會登陸 Steam 及PS4,本來就好事黎,但近日就有玩家發現製作團隊原來瘋狂媚共,而且完全唔當香港玩家係一回事,非常可恨。

 

 

《港詭實錄》琴晚正式於 Steam 上架,但被玩家發現製作團隊喺微博上嘅用語不但非常之恭敬,甚至自稱來自「中國香港」自我矮化。而當我哋更進一步了解時更發現團隊對香港及中國玩家態度極不一,就單係訊息發佈量已經有極大分別。主要比香港人及海外玩家睇嘅官方 Facebook 自 2019 年 3 月後,只係分別於 10 月 31 日及昨天遊戲上架時有出 PO。但主要比大陸玩家睇嘅微博則每星期都有更新動態,最高峰時甚至隔日就有 PO,而且積極回覆玩家留言。

 

隔日一個PO vs 大半年三個 PO

 

而且於 2019 年 12 月時原來曾經有邀請玩家為遊戲進行測試,當時製作團隊就話招募測試玩家反應踴躍,不過招募測試玩家呢個訊息就從未於官方 Facebook 出現過,只於微博上作出招募,而且仲係用 QQ 去回覆添,真係非常咁「政治正確」。

最有趣嘅係,就算係遊戲公佈初期幫過佢嘅傳媒(已向友好「遊戲情報科」求證),亦都並無收到任何相關嘅測試邀請,完全係「你只係幫過我嘅契弟」。

 

有測試架,不過你係咪偉大嘅中國人先?唔係就無得玩啦 🙁

 

 

除咗 Facebook 敷愆香港及海外玩家,喺 Steam 上亦都不遺餘力地去滅聲。有玩家嘗試提問「內有光復香港時代革命?」,就被官方開發人員刪文兼封鎖,而且係永久性封鎖,真正瀨共瀨到成地都係口水。

 

 

如果你以為上面已經瀨得好肉酸,少年你真係太年輕,佢地為咗媚共不惜竄改歷史。遊戲主要嘅舞台就係「九龍城寨」,製作團隊於遊戲介紹一欄清楚列明「《港詭實錄》是一款以中國香港都市傳說為題材的第一人稱恐怖冒險遊戲。」。

「九龍城寨」由清政府於 1847 年擴建而成,到 1899 年 5 月成為英屬香港境內一座無政府狀態圍城,最後於 1987 年清拆。亦即係話大部份時間都係屬於英屬香港,我真係想知發生係城寨入面嘅「都市傳說」同「中國香港」有咩關係。

 

真心想知「中國香港」有咩都市傳說,例如日日有浮屍?跳樓無血無遺書但死因無可疑?

 

一隻主打本土情懷,得到本土媒體幫助、玩家支持嘅遊戲,最後選擇媚共、唾棄香港玩家。要搵食,大家都明白,但有必要為一個市場而放棄另一市場嗎?同為香港人,真正以 GHOST PIE Studio 為恥!(如果大家真係好想玩嘅,極建議大家玩「開心版」,一蚊都唔好比佢賺)

 

不撤不退

不撤不退 不撤不退,我愛香港。

追蹤

更多文章