【影視快訊】神劇《Westworld》預言 香港修例風波引發第三次世界大戰!

有追開美劇嘅朋友都知,《Westworld (西部世界)》呢套科幻劇曾經揚言可以挑戰《Game of Thrones (權力遊戲)》嘅神劇地位。原本《Westworld》都只以 1976 年《Futureworld》 1980 年嘅同名電影去改篇,主要講述一個以 AI 機械人去娛樂大眾嘅美國西部主題公園當中,AI 有自我意識後所引發嘅科幻故事。

喺劇集版本就加入更豐富嘅故事以及猜度邊個係人、邊個係機械嘅情節等等。雖然到第二季好多劇迷都話敘事手法太複雜,亦冇第一季咁有爆炸性,但追開嘅朋友都繼續等緊今年第三季嘅來臨。

今日官方終於宣佈左第三季會喺今年 3 月 15 號正式開播,喺預告片中出現一個令香港人好驚訝嘅消息!事關今次喺《Westworld》嘅預告入面見到第一個事件引發點竟然係香港嘅反送中修例風波「06.12.19 DIVERGENCE: HONG KONG – POLITICAL UNREST. WIDE SCALE PROTEST.」引發到未來嘅 2037 年第二次俄羅斯內戰,最終會令到 2058 年發生全球關鍵事件發生。

先唔講今次係唔係同預告內容所講香港呢個「蝴蝶效應」令到引發三次世界大戰,但再次證明全球嘅著眼點繼續都喺香港嘅抗爭運動上!世界冇放棄香港,我地同樣不撤不退!

不撤不退

不撤不退,我愛香港。

追蹤

更多文章