【遊戲新聞】John Cooper 帶領團隊回歸《Desperados III》西部牛仔多元策略動作遊戲

 

有啲機齡嘅朋友或者早就聽過《Desperados》系列嘅大名,遊戲黎緊即將推出第三代《Desperados III》,由 Mimimi Productions 工作室開發,預計 2020 年於 PC(Steam)、PS4 以及 XBox One 平台上推出。

遊戲第一代《Desperados: Wanted Dead or Alive》推出已經係 2001 年嘅事,而今次嘅《Desperados III》承繼前作嘅世界觀,繼續以 1870 年代嘅美國西部及墨西哥作為舞台。主角為神槍手 John Cooper,佢連同佢嘅幾位出色同伴,繼續於呢片土地上面執行正義。

 

 

《Desperados III》其實早在 2018 年德國 Gamescom 時已經公佈,原定於 2019 年發售,不過因為種種原因將分售日推遲到 2020 年夏天。近日官方開始加強發佈遊戲嘅相關資訊,《Desperados III》雖然係一隻單機遊戲,不過玩家可以操作嘅角色共有五種,包括最新公佈登場嘅 Doc McCoy 以及 Isabelle Moreau。

 

 

Doc McCoy 係一位於英國讀書嘅醫生,於南北戰爭時去到美國,由於對戰爭感到無力,決定與 John Copper 合作,以自己嘅力量開闢未來。Doc McCoy 係一位狙擊手,同時擅長用藥去幫隊友補 HP 或者係令到敵人陷入各種奇妙狀態。

 

 

至於 Isabelle Moreau 就係黎自新奧爾良嘅巫術師,佢能夠操控敵人,令敵人自相殘殺。遊戲嘅難度就係在於,玩家如何善用每個角色嘅能力以及特點,一邊觀察敵人行動嘅模式,從而搵出最完美通關嘅方法。

 

 

遊戲目前未知道香港 PS Store 會否上架,有興趣玩呢隻遊戲嘅朋友請自行到美版 PS Store 參詳參詳;至於 PC 版本則不對應繁體中文(有殘體嘅…)大家都係乖乖地玩英文版吧!

Steam 版傳送門

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章