【遊戲新聞】抗疫要日日清潔大掃除《房產達人》執屋改建大熱 PC 遊戲登錄家用機

 

執屋模擬遊戲《房產達人(House Flipper)》於 2018 年 5 月 17 日於 Steam 上架以來,一直大受歡迎,而遊戲亦已於 2020 年 2 月 25 日登錄家用機,同時對應 PS4(目前有美版及日版,數位限定)及 XBox 平台(數位限定)。

 

 

《House Flipper》當年於 Steam 平台推出一星期,已經登上銷售排行榜第二位,去到而家都仲有唔少 Youtuber 做緊遊戲嘅直播;所以今次登錄埋 PS4,希望多啲朋友可以有機會試到呢隻好玩嘅模擬遊戲。

《House Flipper》嘅遊戲概念好簡單, 玩家嘅任務就係接收唔同嘅爛屋舊屋,將佢地加以清潔、改裝改建,總之就係執靚間屋,務求令到間屋市價上昇,咁就可以賣得好價錢。

 

點解可以搞到間屋咁

呢度發生過咩事…

 

當然玩家任務有分簡單同困難,你可以即係達成客戶基本要求、求其執到間屋變返人樣(?)就交貨;你亦可以再錦上添花地,去更換屋裡嘅傢俱,去令到間屋變到示範單位咁就皆大歡喜,收返黎舊錢就好和味~

 

 

遊戲採用第一視點操作,不過就算係平時唔習慣第一視點嘅玩家都唔需要擔心,因為遊戲考驗玩家嘅係心思,所以整體操作上面亦傾向順暢簡單。

以前鍾意玩《Sims》系列(但淨係鍾意搞靚間屋)嘅玩家,呢排無街去,呢隻小品遊戲希望適合大家口味;如果你早前已經玩過 Steam 版,亦好歡迎你分享自己嘅感想架!

PS 傳送網址
XBox 傳送網址
<Steam 傳送網址>

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章