Made In China 嘅武漢肺炎搞到全球爆發，世界各地遊戲業界嘅活動唔係改期就係取消。而將於今年 6 月 9 號至 11 號全球最受注目嘅 E3 2020，幾個月以嚟好多嘅外媒同業內人士都聲稱 E3 2020 好大機會會取消。不過主辨嘅娛樂軟體協會 Entertainment Software Association (ESA)最多都只係喺幾日前出過一份同武漢肺炎相關嘅更新資料，冇提及過會有取消嘅可能性。

業界已經有人吹大風，叫所有將會去 E3 2020 嘅行家同廠商取消機票與飯店。雖然主辨方就未出聲，但彭博 Bloomberg 就預告娛樂軟體協會會於洛杉磯時間 3 月 11 日上午 9:30 (即香港時間 3 月 12 日凌晨) 宣佈取消今年嘅 E3 2020。

而如果正式取消 E3 2020的話，將會係 E3 25年嚟首次取消舉辨。