【LEGO快訊】LEGO Super Mario 系列產品 正式公佈

不論 LEGO 迷定老任 Mario 嘅 Fans,呢幾日不斷講嘅 LEGO Super Mario 系列終於有第一步官方消息。唔講太多評論住,大家睇左以下呢條官方宣傳片先!

 

第一樣驚訝嘅係,如大家之前見到第一條預告片中一樣四四方方 BrickHeadz 樣,隻 Mario 真係喺面上同胸前都有個 Screen,並且會有預設嘅聲效。玩家一去到部份有感應嘅磚塊, Mario 就會有相應嘅聲效同表情。而片中見到,今次係將 Super Mario 嘅遊戲用 LEGO 組件將佢實體化,變成一個類似實體版嘅《Super Mario Maker》。

 

 

同時間大家都見得到,玩家們最想要嘅 Minifigure 係完全冇出現過!所有嘅角色都係為組件砌成,而部份嘅角色細節都係以貼紙表示…..而綠帽 Luigi、公主 Peach、大魔王 Bowser 完全未見蹤影,就連金幣、蘑菇、星星都冇粒…….而以遊戲角度,我地亦未知打倒嘅敵人或者收集得嚟嘅金幣有乜作用。不過對自組作品嘅 MOCer 嚟講,今次 LEGO Super Mario 公佈左嘅組件,好多都非常新穎,應該對創作方面就有好大嘅新鮮感。

官方就話想玩家體驗一個「非 LEGO 亦非電子遊戲」嘅全新體驗,不過呢個咁「前瞻」嘅睇法,大家會唔會受落呢?

 

最後,細細聲話你知,LEGO Super Mario 喺北方強國冇得賣架!

 

資料來源:LEGO

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章