【遊戲新聞】經典重製作品試玩上架《聖劍傳說 3》3 月 18 日多平台 Demo 開始

 

Square Enix 宣佈《聖劍傳說 3》嘅重製版本《聖劍傳說 3 瑪娜的試煉(聖剣伝説3 トライアルズ オブ マナ)》嘅體驗版將於 2020 年 3 月 18 日上架,對應平台為 PS4、Switch 以及 Steam;正式版遊戲則將於 2020 年 4 月 24 日登場。

 

 

《聖劍傳說 3 瑪娜的試煉》為 1995 年推出嘅經典 RPG 遊戲《聖劍傳說 3》嘅重製版,遊戲當年對應平台為超級任天堂。故事舞台發生於一片魔法大陸,各國都想用魔法征服世界,主角們因為機緣巧合地捲入了紛爭;故事情節亦會因為主角選擇嘅伙伴不同而產生變化,係一個非常引人入勝嘅傳統 RPG 劇本。

 

 

今次嘅重製版本裡面,畫面以全 3D 製作,戰鬥系統亦重新設計,並為角色加入語音,於結局部份亦會有新劇情元素加入,就算係當年玩過原作嘅朋友,再玩呢個重製版,應該都會有全新嘅體驗。

試玩版即日開始上架,各位朋友萬勿錯過!

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章