武漢肺炎影響全球嘅情況下，外國好多國家嘅 LEGO Store (除中國外)， 因衛生情況同避免武漢肺炎傳播，結果相繼休業。不過香港人一向有大智慧，早早就已經做好抗疫準備。而喺呢個疫情繼續嘅情況下， LEGO Certified Store 逆市發展，四月尾將開設第五間 LEGO Certified Store。

第五間 LEGO Certified Store 屯門店位於屯門市廣場一期二樓，即係正正位於 LOG-ON(2251號舖) 隔離。原本係時裝店，舖頭面積都唔細！正式開業日期仲未有確實資料，而每逢有 LEGO Certified Store 開業，該舖都會有開業優惠及禮品，所以所有屯門牛 LEGO 迷要繼續留意住啦！