【遊戲新聞】點會單單都無可疑?《Crime Scene Cleaner》專業人員清理犯罪現場

睇戲成日都見啲殺手電影入面,殺完人之後總有一班收錢幫殺手做「清潔」嘅專業人員,幫手清理現場嘅屍體同罪証。大家最記得應該係《殺神 John Wick》入面嗰班 “The Cleaner“,一個金幣一條屍,極速快手幫 John Wick 間屋清理兼還原。

類似嘅惡搞遊戲好似《Serial Cleaner》或者《Viscera Cleanup Detail》,早年都有推出過,不過正正經經清理犯罪現場嘅遊戲,最近就搵到一隻。

 

President Studio 製作嘅呢隻《Crime Scene Cleaner》,唔只純粹抹走血漬清理人體殘肢做個清潔工人咁簡單。你仲要用盡方法同工具,將現場所有肉眼見唔到嘅犯罪証據都完全抹除。遊戲除左要喺有限時間清理現場,令警察覺得「死因無可疑」之外,你仲要同同行搶生意,甚至可能用方法諂害行家。

製作團隊 President Studio 提過手上仲有好幾隻遊戲喺製作當中,所以《Crime Scene Cleaner》未有正式發售日期,而暫時只會喺 Steam 平台發售。

 

 

P.s. 由於部份官方圖片過於真實,可能令大家感到不安,要睇未經處理版本嘅朋友,自己去 Steam 度自己望望啦!

 

 

 

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章