之前隻《Call of Duty》重啟版不論遊戲質素定係銷量都極佳，令 COD 系列一掃頹風省返靚個招牌（咩 AW 咪鬼再出 Thx）。當中個人認為最巔峰嘅作品就係第二集，而一眾玩家都極之期待佢嘅重啟版推出。今日 Activision 就正式宣佈 《決勝時刻：現代戰爭 2》 戰役重製版正式於 PS4 推出，殺你一個措手不及！

《決勝時刻：現代戰爭 2》 戰役重製版由 Activision 發行，經過全新數位修復，畫質精美，動畫細緻，並進行音頻重製及更多更新。作為玩家最為關心嘅當然係備受爭議嘅關卡「No Russian」，到底會唔會重現（話晒當年搞到戰鬥民族要刪除咗呢關）。而答案係將包含「巔峰戰士」、「大追捕」及「俄語禁止」（No Russian），重新體驗呢關嘅機會黎啦！

另外二代仲會同初代有連動活動，只要購買遊戲就會免費解鎖《決勝時刻：現代戰爭》幽靈水中爆破隊經典造型組合包，內含受戰役任務「未來充滿艱鉅挑戰」（The Only Easy Day…Was Yesterday）啟發的幽靈水中爆破隊經典造型，允許玩家從石油鑽機的鉸鏈中拯救人質。此外，玩家更會獲得兩個武器藍圖、一個全新的武器飾物、最後一擊、語音台詞、動態名片背景、紋章和2次戰爭通行證跳級，並可在《決勝時刻：現代戰爭》和新推出的《決勝時刻：現代戰域》中使用。

今日玩家已可於 PS4 平台購買《決勝時刻：現代戰爭 2》 戰役重製版，至於 Xbox One 同 PC 版則已開放預購，此二版本將於 4 月 30 日發售。