【遊戲新聞】以原作為依歸展開的 IF 路線《Re:從零開始的異世界生活》手機版《Lost in Memories》今年登場

 

大熱作品《Re:從零開始的異世界生活》嘅首個手機遊戲作品即將於 2020 年推出,遊戲剛剛正式公佈名字為《Re:從零開始的異世界生活 Lost in Memories》(Re:ゼロから始める異世界生活 Lost in Memories(リゼロス)),為一隻 RPG 遊戲,由 SEGA 開發,玩家將飾演主人公「昂」於異世界展開歷險。

 

 

《Lost》雖然以原作故事為依歸,但係玩家除左根據自己嘅認知去玩返原作故事線之外,遊戲當中仲會有唔少分歧點,根據玩家嘅選擇,遊戲會產生與原作完全不同嘅「IF 線」劇情,而呢啲劇情線由原作者長月達平老師監修!愛蜜莉雅、雷姆拉姆等角色,亦會隨住故事發展而成為你嘅伙伴。

 

 

玩家與角色有育成等級要素,戰鬥為輕量嘅簡單 RPG,按照目前公佈嘅截圖看來似乎有一定吸引力,不過手機遊戲嘅野……同埋遊戲中嘅課金要素未明,所以大家都係抱持觀望態度吧!

 

 

正式上架日期有待公佈,目前未有中文化消息,有新進展會再同大家報導。

 

麻生龍

中二病廢中,打機會自己講野自己笑,鍾意睇機械人動畫,貓世一。

追蹤

更多文章