武漢肺炎肆瘧全球，各行各業都受影響，首當其衝當然係醫護界別。但呢個時間，LEGO 除左早前為受武漢肺炎影響兒童捐出五千萬美金之外，仲唔聲唔聲開發左款 LEGO 出品嘅護目鏡去比前線醫護使用。雖然只係護目鏡，但已經令好多前線醫護大為鼓舞，而且丹麥人民直頭提出叫政府出錢買比國民使用。

呢款護目鏡分為透明擋板以及支架兩部份，依家每日可以生產 13500 套。情況嚴重的話，兩星期內生產量可增加到每日 58000 套，官方亦表示將護目鏡生產線哲展到其他國外工場。

有冇 LEGO 官方 LOGO 就唔知，但肯定幫到前線醫護人員。 LEGO 生產嘅護目鏡已經喺丹麥南部嘅歐登塞大學醫院 ( Odense University Hospital )成功測試，第一批 5 萬副護目鏡好快會分發到丹麥嘅其他醫院使用。