《Nier》系列面世十周年，上個月時官方宣佈將會推出手機版本 RPG《NieR Re[in]carnation》以及 PS4 修訂強化版遊戲《NieR Replicant ver.1.22474487139…》 。

消息一出時，唔少玩家都對《NieR》系列嘅新作居然係手機遊戲而感到失望，似乎都好擔心遊戲變成重度課金又欠缺內涵嘅作品。不過，官方於 2020 年 4 月 18 日就推出左首條遊戲實機試玩影片，雖然未見有戰鬥畫面，然而影片中顯示嘅景觀、氛圍以及配樂都非常唯美精細。

片段中見到白髮黑裙少女疾走，造型與遊戲概念圖片公開嘅形象一致；緊接其後為類似《NieR: Automata》裡面 Pot 042 嘅隨行機。探索方式為常見嘅手機推屏操作，至於其他指令以及戰鬥方式如何，就有待官方下一次公佈。

Square Enix 將於 2020 年 4 月 22 日香港時間 19:00 進行《NieR》網路番組《取りこぼし編》生放送，相信到時會有更多關係遊戲嘅消息，大家有興趣可以一齊留意。