由法國獨立遊戲公司 MatWorks 首次製作嘅遊戲《Domin’Ant》，將會喺今個月 (2020 年 5 月)正式於 Steam 平台發售。喺《Domin’Ant》入面玩家可以選擇兩個陣營，做人或者做蟻，聽落好似對戰版嘅《蚊》呢？不過完全唔係嗰回事，等我嚟介紹下《Domin’Ant》嘅玩法先！

選擇做人的話，玩家將會扮演一個四十幾歲嘅獨居中佬 Gerard，遊戲目的非常簡單，就係用盡所有方法去守護自己嘅家園，唔理你踩、你掟野、你放火燒都好，總之點都唔可以留低任何一隻蟻。

做蟻的話就複雜啲得意啲，玩家所扮演嘅呢隻蟻，唔只有個名叫 Cassandra ，仲唔知何來會有個高科技飛行器，可以變成隻機械飛蟻去行動。不過就算係機械蟻，都唔好諗住一蟻之力可以拆屋咁厲害。你先要搵食物去擴充自己嘅螞蟻軍團，製造一啲陷阱同危機去防止中佬 Gerard 嘅攻勢，同時要將中佬 Gerard 嘅屋企移為平地。

《Domin’Ant》雖然仲未有正或發售日期同定價，但係咁有趣嘅作品，加定落自己 Wish List 先再算啦！