【遊戲新聞】末世屍友會《Nearly Dead》建立自家喪屍樂園

由韓國獨立遊戲公司 Mono Software 首次製作,全新多人合作沙盒式生存遊戲《Nearly Dead》,現已於 Kickstarter 開始眾籌,並預計於 2021 年第一季於 Steam 平台上架。

 

 

喺《Nearly Dead》你面對唔同嘅喪屍同怪物嘅攻擊,集合生還者去擴大人類嘅生存要素,收集不同嘅資源去建立人類居住地點,儲夠一定資源就可以建造武裝載具去開拓其他新嘅居所。

 

 

《Nearly Dead》使用「視線系統」同「可見性機制」,喺黑夜以及室內環境會減底能見度,增加遊戲嘅刺激同緊張感。

 

 

而《Nearly Dead》喺裝備上應該係其中一個最大賣點,玩家身上嘅防護裝備數係完全冇限制,你執到幾多都可以擺晒上身。而且所有防護裝備嘅配色,亦可以任由玩家自行修改。

 

 

裝備嘅自由度大,玩家角色嘅自由度同樣非常高。遊戲中你唔一定要選擇做人類,半人半動物又得。而開發團亦預告玩家可以使用其他生物模組去進行遊玩嘅可能性,到時真係可以做貓做狗都唔做人。而且仲可以「Mod Support」,等玩家嘅自由度達至頂峰。

 

 

雖然暫時未見到實質建築嘅格式同點樣與環境配合,但製作方都公佈左佢地預設嘅模組比大家睇睇,等玩家構想一下。

 

 

明顯《Nearly Dead》重點係喺喪屍世界點樣建立自己嘅生存地多於打喪屍,所以鍾意建構、建設嘅朋友可以留意住。依家喺 Kickstarter 預購《Nearly Dead》,最平都只係 $15 美金 (港幣 $117) 仲送兩個月嘅封測試玩,有興趣嘅朋友可以上去 Kickstarter 或者 Steam 度睇睇啦!

《Nearly Dead》Kickstarter 傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章