【遊戲新聞】極不專業消防員 《滅火先鋒》多人遊玩齊滅火

香港紀律部隊情操最高尚應該都係消防員,話晒都係捨身救人唔係捨命「Dup」人丫嘛,而且做消防員係唔少人細細個嘅志願。由 Muse Games 製作嘅《滅火先鋒》(Embr),就係比大家一嚐做消防員嘅滋味,不過係並無受過專業訓練嘅消防員。

 

 

《滅火先鋒》(Embr)屬於動作模擬遊戲,使用第一身視點,最多支援四人遊玩。喺遊戲入面,玩家所扮演嘅消防員工作都係救火、處理煤氣洩漏、救跳樓人士等等工作。故事背景係一個虛構嘅未來世界,喺呢個世界入面無論咩事都奉行緊「共享」,就算係消防員都唔例外。只要下載「Embr」呢個 App,當有人求助時,用呢個 App 就可以「接單」,然後就出發去救人。所以遊戲仲玩家所扮演嘅並非受過專業訓練嘅消防員,只係一班普通人。

 

 

要普通人去做需經專業訓練嘅工作,當然係會做到錯晒,例如叫被困火場嘅人跳落黎,但係彈床放錯位;無先去處理電,氣就亂黎搞到爆炸等等。利用各種「創意式救人」,去反映出現實救災嘅難處,等大家感受下消防員嘅工作其實係幾咁困難。

 

 

《滅火先鋒》(Embr)已經喺 Steam 同 Google Stadia 做緊搶先體驗,並支援跨平台連線。另外 Steam 版喺 5 月 29 日前購買只需要 HKD $71.20。

 

五木

動漫電玩宅,極愛金田一系列,擅長動作及策略遊戲

追蹤

更多文章