【遊戲介紹】禁酒年代芝加哥黑道爭權記《罪惡帝國》回合制戰略遊戲今秋推出

 

歐美遊戲開發工作室 Romero Games 旗下新作《Empire Of Sin(罪惡帝國)》宣佈遊戲發售日將定於 2020 年秋季,對應平台為 PS4、Switch、XBox、Steam(Windows&Mac)。

《罪惡帝國》首次公佈於 2019 年 6 月,為一隻回合制戰略遊戲。遊戲以 1920 年代,禁酒時期嘅芝加哥作為舞台,並將勢力劃分為 14 個黑道勢力,玩家將擔任其中一個勢力嘅成員。

 

 

玩家可以收保護費、販賣私酒、經營黃賭毒等手段以擴展組織規模以及增加名聲,亦可以行賄警務人員去達至隻手遮天,更可以與其他勢力合作、或者背叛一啲合作方案,務求令到自己嘅經織擴大,以及令自己登上組織大佬嘅位置,從而成為芝加哥最強霸主。

玩家每個行動都會影響其他勢力嘅發展及動向,而劇情亦會因此產生變化或分歧,絕對係一隻劇情要素濃烈嘅作品。

 

 

目前未知家用機版本會否在港服上架,所以暫時未有繁體中文版嘅消息,而家只有 Steam 版本提供殘體中文版本,呢方面有最新消息會再同大家報導。

 

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。首本個人塔羅散文今年書展上架:shorturl.at/iDMWY

追蹤

Facebook 更多文章