【讀者投稿】《Terraria 泰拉瑞亞》經歷九年更新終於到達旅程的終點|四人合作遊戲總係新不如舊

大家好,又係我Snakie何師傅。

又過左一個星期,悶悶地買左隻《Deep Rock Galactic》同班戰友玩,玩左陣…唉。(詳見下文)

與此同時見到《Terraria 泰拉瑞亞》係Current Player個度跑左出黎衝上第3位,九年前試過beta之後就無再玩落去,畢竟當年都仲係MOBA時代,都無心機去玩Sand Box哩d咁有深度既遊;九年後既今日終於出左最後一個大型更新,名為旅途的終點,究竟一隻8bit 2D 有咩吸引到一間廠商同玩家願意九年都斷斷續續咁玩哩個遊戲?請收睇:

 

 

能夠上到第3位仲要衝上黎,就算好多新Game都未必做到。

 

影片以外評論 四人合作遊戲總係新不如舊

《Deep Rock Galactic》係一隻以FPS X 《Left 4 Dead》X 《Minecraft》為賣點既遊戲,其實一年前已經有Beta玩,係剛剛五月十三正式推出‧係Steam平台上面係大獲好評,所以師傅先忍唔住要去試一試。

 

3萬幾個Overwhelmingly Positive,雖然其實係beta已經儲落但高分程度真係會好吸引人一試。

 

初玩頭三四個Mission既時侯其實覺得好新鮮,的確完美做到FPS X 《Left 4 Dead》X 《Minecraft》既感覺出黎,可惜去到第五個鐘既遊玩時間,依然一樣除左FPS X 《Left 4 Dead》X 《Minecraft》之外係咩特別都冇…一來任務時間都唔短,一場大約二十分鐘,過程有意思有趣味既可能佔五分鐘都無;二來重覆性極重,來來去去都係救人,然後逃出;去挖礦,然後逃出;我地涯到去一個類似主線任務既最後一關,終於有王打,可惜打完王都係,逃出。太早比玩家覺得有一種過份Grinding既感覺出黎,其實會好吃力同相對期待值會好快下降。

 

第一次見到隻Boss只有失望可言,佢只係一隻大隻好多,有名同有HP Bar顯示出黎既雜魚黎,完全無驚喜可言。

 

《Deep Rock Galactic》既特點仲有兩個,第一個就係佢有極長同龐大既升技同裝備系統,好似好吸引玩家去玩咁,其實細心一睇就會發覺,佢條Skill Tree好多都只係將本身招技提升等級,而係無實際好大既Game Changer既感覺;另外就係有職業Base既玩法,每一個職業自身既技能都係獨有,而且環境係需要職業上互相配合先可以玩出完美打法,例如識用跳躍繩索既偵察兵需要配合工程兵既平台鎗先可以採到高空礦物,聽落好似好有計,實際上代表所以如果係進行單人遊戲既時侯就會感覺到自身職業缺點,而且單機亦因為有職業限制既關係,令到單機玩家無力感極重,嚴重影響遊戲體驗。

最後師傅玩左大約7 8個鐘之後都係頂唔緊,
《Deep Rock Galactic》,十個字,無人同你玩,千奇唔好簡。

 

《Deep Rock Galactic》入面的確有好長既Skill Tree各樣既深度玩法,可惜師傅真係無耐性打到個個位去試。

 

職業分配之餘要設計到恰到好處之餘的確好難,轉職可能要重新升過更容易令到玩家卻步。

 

《Left 4 Dead》當年推出將四人合作遊戲推到一個合作遊戲既高峰,往後都好多作品係有參考哩一類四人合作,逃生,仲有申延落去既1 vs 4既不對稱PVP玩法各樣,但係暫時都仲係無一隻可以同當年《Left 4 Dead》既推出時既影響力同震撼力相提並論,時至今日其實各大平台就算Steam也好VLan都好其實都仲有人反而繼續玩緊《Left 4 Dead》都無去玩新一類既遊戲。師傅認為貼得最近都已經係《Payday 2》,遊戲性及玩法都做到個種合作同驚險感覺,奈何因為入面既內容太多,上手門檻比《Left 4 Dead》高,所以遊玩人數都係比唔上《Left 4 Dead》。暫時除左芒亨之外都無一隻四人合作既遊戲可以超越L4D,當然芒亨係另一款種類既遊戲又唔應該混為一談。

四人合作新不如舊,問題係出至於廠商無新意,抑或係玩家要求愈黎愈高及取態改變導致如此局面?

 

《Payday 2》上手的確好困難,唔淨止射射射,仲有場景同設定各種問題,新手上路係比較崎驅。

 

四人合作芒亨真係無對手可言,不過唔應該將佢列入討論範圍,因為對其他作品太唔公平喇。

 

如果想繼續看到遊戲攻略評價,各式各樣遊戲影片,請訂閱小弟Snakie何師傅的YouTube頻道!多謝收睇,謝謝你,再見諸位!

 

 

VJGamer 歡迎讀者投稿 – 如蒙投稿,請將文稿、筆名、作者簡介及聯絡電話,電郵至 [email protected]

 

Snakie002

Snakie002 澳洲毒撚,沉迷遊戲三十載。無實力唯有用毅力,推崇「用心打機,享受遊戲」宗旨。我得,你都得!

追蹤

Facebook 更多文章 網站