【讀者投稿】電單車迷必買嘅LEGO Technic產品 42107 Ducati Panigale V4R 開箱

LEGO Technic 系列,自 40周年紀念出版BMW R 1200 GS Adventure Motorbike 之後,今年終於再次推出電單車產品,就編號42107 嘅 Ducati Panigale V4R 電單車。


呢套合共646粒嘅LEGO模型,官方定價為US$69.9,港幣售價大約$550

今次呢套電單車,一粒印件都冇,所有裝飾都單靠呢張貼紙,有啲可惜!

 

身為玩家,除呢套電單車好型呢個因素外,最吸引我嘅呢套新出版嘅新零件,宜家為大家介紹一下:

 

前轆加入新設計的碟剎零件,砌MOC嘅師兄改車又多咗一個好選擇啦!

今次LEGO推出金色前懸吊零件,實在好吸引!

車軚方面,前轆沿用LEGO 42036 Street Motorcycle幼身車軚,而後轆則新出厚身車軚(見左圖)。 為咗跟足真車前後車軚不同嘅厚度,LEGO公司不惜出版全新厚車軚配合,令整部戰車更加入型入格!

電單車的咪錶以貼紙呈現,跟足真正,設計精緻細膩!

其次嘅碟煞餅,都喺跟足真車嘅設計,亦喺我最喜愛嘅零件之一!

 

機械活動設計方面,除基本的轉向裝置外,整部電單車一如以往擁有極有效率嘅避震系統與活動引擎系統。今次令人驚喜,莫過於腳踏可以轉波嘅機械設計。腳踏向下是一波,腳踏向上是二波,腳踏向前則是靜止狀態。

 

 

依靠橡筋製造張力,造出轉波嘅效果

波箱狀態 0波

波箱狀態 1波

波箱狀態 2波

 

呢套電單車亦有一個創意嘅新砌法。在組裝電單車過程中,發現了兩把紅色日本刀零件,再砌落去,先發現呢兩把日本刀,喺用嚟砌車頭擋風玻璃用嘅。

 

型到爆嘅車頭外型,拼砌設計上都盡力跟足原著!

最後,呢套電單車,買真車真喺會附送埋個靚靚車架,當然LEGO出品都唔會慳埋呢啲過癮配件啦,都真喺設計得非常精緻有趣㗎!

 

總結

 

 

今次組裝 LEGO Technic 42107 Ducati Panigale V4 R 電單車,我嘗試一開始唔貼任何貼紙,但當嘗試將部分相片放上 LEGO 網分享,好多師兄都覺得貼紙裝飾對呢套電單車好重要,建議我貼返啲貼紙上去。

 

宜家附上未貼上貼紙與已貼上貼紙嘅相片俾您去比較一下,您又覺得貼紙對呢套LEGO有幾重要呢?

雖然呢套積本一件印件都,有可惜,但當您將所有貼紙貼上去部電單車度,您會發現呢部戰車的確型格到爆,一部值得花數百元購得嘅心頭好!

Universe Wang

Universe Wang LEGO Fans一名,不甘心砌完得個擺字,專注有機械活動能力的LEGO Technic系列,主修運波機(GBC),副修仿生獸(Strandbeest),享受砌磚時內心的寧謐,與人分享砌磚的樂趣......

追蹤

更多文章