【遊戲介紹】西班牙製和風恐怖遊戲《異界 IKAI》化身江戶巫女勇武抗邪靈

 

和風題材嘅恐怖遊戲相信大家都玩得多,不過今日同大家介紹呢一隻《異界 IKAI》就有啲特別,因為開發嘅工作室,係黎自西班牙嘅 Endflame。遊戲預計將於 2021 年於 Steam 平台上推出,不過就暫時未對應中文版本。

 

 

遊戲以日本各種民間風俗嘅奇怪傳聞作為主題,玩家飾演「直子」,一位居於神社嘅巫女。某日,神社住持突然失蹤,神社失去了神明的眷顧,馬上被邪靈入所侵。玩家必須奮起對抗,將所有邪靈加以封印,去尋回神社嘅安寧。

遊戲裡面,玩家將會使用「符咒」去封印邪靈,不過就唔係大家熟知嘅「臨兵鬥者」馬小玲式道教符,玩家於探索當中會獲得唔同嘅「符咒」,只要搵到有光嘅地方,就可以按住圖樣繪製去啟動張「符咒」。

 

 

不過,畫符途中並唔係絕對安全,假如你花嘅時間太耐,亦會可能驚動潛伏嘅邪靈,佢地因而會黎攻擊你。

 

 

遊戲採用第一視點,有興趣了解更多嘅朋友可以試下佢地嘅試玩版,工作室已經將 Demo 擺上 Itch.io

 

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。首本個人塔羅散文今年書展上架:shorturl.at/iDMWY

追蹤

Facebook 更多文章