【遊戲新聞】重現全城恐慌性搶廁紙 《Coof Attack》痴線四打搞笑遊戲

早期武漢肺炎爆發時,香港出現恐慌性搶廁紙情況,真係諗起都覺得 _ _。即將推出,由 Basement Owl 製作嘅《Coof Attack》亦有著類似嘅情況出現。遊戲入面廣大嘅市民同樣係一紙難求,不過佢地嘅行為就更加痴線,不惜爬大廈外牆都要搶廁紙,似乎真係好急。

 

 

《Coof Attack》遊戲背景講述喺一場全球經濟危機後,全城所有地方都無晒廁紙,但係洞察先機嘅主角未雨綢繆,早就有大量嘅存貨,諗住過揸住廁紙有 _ _ 嘅日子。奈何有大量存貨嘅事走漏風聲,導致大量民眾想過黎搶廁紙。被困於屋頂嘅主角們並無任何武器,面對爬牆上黎嘅民眾,你只有廁紙做武器,然後就當然係「廁紙擊退大作戰」啦。

 

 

遊戲基本劇情模式提供超過 30 關及頭目戰,亦都有提供關卡編輯器製作自己嘅關卡。另外,主角們有成長要素,升級後就可以解鎖各種新技能。遊戲支援最多四人連線合作,屬直立式射擊遊戲。

 

 

《Coof Attack》預計於 6 月正式上市,對應平台為 Steam,價格為 USD $5.99,支援繁體中文。

 

滅盡殺手

重度魔物獵人中毒者,歷代遊玩時間破億分鐘!

追蹤

更多文章