【遊戲新聞】任天堂早前被黑客入侵・統計超過三十萬個戶口受到影響

 

早於今年四月份時,我地報導過大批任天堂用戶被黑客入侵嘅事件,當中唔少用戶仲遭受金錢損失,所以我地呼籲大家實行兩步認證,以保障你戶口嘅安全(詳文按此)。

任天堂於 2020 年 6 月 9 日正式公開是次事件嘅調查報告,根據佢地數據所得,估算約有 16 萬用戶帳號遭非法登錄,另有 14 萬用戶嘅帳號因此而損毀。

 

 

Wii 及 3DS 用戶當時使用嘅為「Nintendo Network ID(NNID)」,而後來經由 Switch/PC/電話登錄嘅帳號則使用「Nintendo ID(NID)」,NID 同時為目前任天堂主要使用嘅帳戶系統。

 

 

當時為咗方便舊有用家,任天堂允許 NNID 用戶直接轉移登錄到 NID 上面,但係當中嘅轉移系統出現漏洞,導致黑客有機會經由傳輸途中,竊取到 NNID 用綁定嘅信用卡或 Paypal 資料。

 

 

截至目前,任天堂相信真正遭受金錢損失嘅用戶大約有 1%,而全部用戶已經處理完退款等相關程序。同時,任天堂亦已全面更新網路保安及登入系統,希望可以避免同類型事件發生。

不過,我地都在此再次呼籲各位讀者,假如你係任天堂用戶,希望你都花少少時間完成兩步認證程序(詳文按此),以保障你嘅帳戶安全。

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章