【遊戲新聞】Switch Online 免費遊戲強作加盟《真・女神轉生》92 年推出超任暗黑 RPG

 

Switch 用戶加入 Online Plan 之後,就可以玩到唔少任天堂於 Family Computer 以及超任時期嘅經典作品,官方今日就宣佈 2020 年 7 月 15 日將會加入三隻遊戲,分別係《真・女神轉生》《超級大金剛(スーパードンキーコング)》以及《GUN-DEC (ガンデック)》。

三隻遊戲當中最受注目嘅相信絕對係《真・女神轉生》。《真》可以話係成個遊戲世界觀嘅起源,較受年輕玩家認知嘅《女神異聞錄(Persona)》其實都係《真》嘅衍生系列。

 

 

《真》為 ALTUS 於 1992 年首隻開發並發行嘅遊戲,當時對應平台為超級任天堂,係當時少有以近代未來為時代背景嘅 RPG 遊戲。遊戲舞台為被惡魔佔據嘅東京,玩家可以於戰鬥中同惡魔交涉以獲得「仲魔」、從而使用仲魔攻略地城,而玩家嘅決定亦會影響東京嘅命運:到底係回復秩序、抑或陷於混沌?

 

 

作為一隻暗黑風格嘅 RPG,《真・女神轉生》去到而家依然係唔少玩家心中認定嘅經典作品。順帶一提,《真・女神轉生》開始已經有仲魔合成系統,假如你係 Switch Online 用戶,今次呢隻加盟嘅經典實在不容錯過。

以下為今次三隻遊戲上架嘅介紹片段:

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章