【遊戲新聞】填補被煮老母欺騙心靈 《TABE-O-JA》煮食加戰鬥新體驗

早幾個月知名煮食遊戲《Cooking Mama》(煮老母)新作面世,本來一眾玩家諗住 Showoff 自己廚藝,點知隻 Game 入面叫你煮親啲野食都地獄級嘅,最後仲比人發現係「老翻」(詳情),搞到大家無得煮野食。不過黎緊由 BANDAI NAMCO Entertainment 推出嘅《TABE-O-JA》正正填補呢個空缺,仲要有埋戰鬥元素,睇都過癮!

 

 

《TABE-O-JA》係一隻融合煮野食同戰略嘅遊戲。玩家將扮演一名廚師,利用  Joy-Con 做出切菜、淥麵、炒、兜亂等各種烹調技巧,製作日本、西餐、中餐等料理。只要玩家製作出美味嘅料理,就可以召換出「タベガミ」(可將之視為 PKM)作戰,並且以破壞敵方廚房為目標,先擊敗對手者勝。

 

煮飯似模似樣,幾吸引(仲好肚餓)

 

遊戲基本流程係先選擇自己出戰「タベガミ」(即係組 Deck),然後透過烹飪召喚佢出黎,只要係戰鬥喺戰鬥中滿足特定條件,「タベガミ」仲會使出強力必殺技。根據官方資料,遊戲中將會出現超過 69 款各具特色嘅料理同召喚獸。

 

要組 Deck 戰鬥

由左起係分別係以炒飯、咖喱飯、漢堡為原型嘅「タベガミ」

 

 

《TABE-O-JA》預計於 2020 年冬季發售,對應平台為 Nintendo Switch。

五木

五木 動漫電玩宅,極愛金田一系列,擅長動作及策略遊戲

追蹤

更多文章