【遊戲新聞】斬到對手甩手甩頭 《Hellish Quart》極真實刀劍對決

Ubisoft 推出嘅作品《For Honor》,遊戲中嘅 1 on 1 刀劍對決係幾好玩,但係同真實始終有段距離。由 Kubold 製作嘅《Hellish Quart》,主打極真實嘅 1 on 1 刀劍對決,唔洗走黎走去一埋牙就打,而且斬到甩手甩頭真係基本野黎,好呢味野嘅朋友真係要試下。

 

 

《Hellish Quart》由獨立團隊 Kubold 製作(其實係二公婆黎),以現代劍擊運動及史實歐洲武術為基礎開發。遊戲最特別之處係每一下劍擊都係經過物理引擎運算,令到戰鬥更真實,更有臨場感。同時每位登場角色亦係使用「 Motion Captured」去捕捉佢地嘅專業技巧,盡量以最貼近真實「劍擊」嘅角度去製作遊戲。

 

 

遊戲表現真實,但係操作又唔會話好複雜。基本玩法係四粒制去控制四個攻擊角度,唔同按鍵組合會有特殊攻擊以及 Combo。防禦方更簡單,只要無進行攻擊動作,角色就會自動防守抵擋敵人攻擊。要打破敵人防禦就要喺適當嘅時間、距離、角度、速度進行攻擊,就好似現實世界中嘅劍擊運動一樣。(不過就咁睇打後手好似著數啲……)

 

 

遊戲中可使用嘅武器有佩劍、護手刺劍、闊劍等等,至於出現嘅人物分別黎自 15世紀哥薩克集團、波蘭翼騎兵、韃靼人、土耳其新軍、法國火槍隊等等。

 

 

《Hellish Quart》即將上市,喺 PC Steam 上已經可將遊戲放入 Wishlist,有興趣嘅朋友留意啦。

五木

五木 動漫電玩宅,極愛金田一系列,擅長動作及策略遊戲

追蹤

更多文章