早二年推出嘅《底特律：變人》（Detroit: Become Human）叫好叫座，對未接觸過呢類互動式冒險遊戲嘅朋友黎講的確係新體驗。如果鍾意玩呢類遊戲，黎緊又有隻好介紹。《Killing Stream》以真人電影風格演繹，玩家就扮演獵物喺未知嘅地方逃生，齋睇片都覺得緊張刺激。

《Killing Stream》 由 Iron Wolf Studio S.A. 製作，屬於電影式恐怖驚悚互動冒險遊戲，採用第一身視點。喺宣傳影片中見到，主角喺 Party 上接觸一位金髮美女，由佢手上得到一杯落咗迷藥嘅飲品，起返身之後已經身處另一個地方，並且發現殺人魔同你共處一室，然後就梗係諗計點逃生啦。

遊戲全程以第一身視點進行，令遊戲充滿臨場感。劇情進行時會不停出現各種選項，例如樓梯前有敵人守住，選擇戰鬥定係跳落樓梯，每個選項都會影響之後嘅劇情發展及結局。喺影片最後我地見到主角到達一個藏屍間，配以「尋找真相」旁白，似乎仲有解謎要素。

《Killing Stream》預計於 2021 年 Q2 上市，對應平台為 PC Steam。